Yəməndəki Husi mediasının məlumatına görə, ABŞ-ın hücumları miqrantların saxlanma mərkəzini hədəf alıb və onların qalası olan Saada şəhərində ən azı 30 nəfəri öldürüb.

“El Mesira TV” telekanalı mühacirlərin saxlanıldığı təcridxananın dağıntılarından 30 meyitin çıxarıldığını bildirib və Daxili İşlər Nazirliyinin onlarla ölən və yaralananın olduğu barədə bəyanatına da istinad edib.

"El-Mesira" "Mülki müdafiə qrupları və Qızıl Aypara Cəmiyyəti ABŞ-ın cinayət işlədiyi yerdə işlərini davam etdirir", -deyə bildirib.

Bir neçə saat əvvəl ABŞ Mərkəzi Komandanlığı (CENTCOM) Yəməndəki əməliyyatları ilə bağlı konkret təfərrüatları açıqlamayacağını bildirib və "Əməliyyat təhlükəsizliyini qorumaq üçün davam edən və ya gələcək əməliyyatlarımızın təfərrüatlarının açıqlanmasını qəsdən məhdudlaşdırdıq. Əməliyyatla bağlı yanaşmamızda çox fikirlərimiz dəqiqdir, lakin nə etdiyimiz və ya edəcəyimizin təfərrüatlarını açıqlamayacağıq" deyib.