Fransalı prokuror aprelin 28-i bildirib ki, ölkənin cənubundakı məsciddə müsəlman gənci bıçaqlayaraq öldürməkdə şübhəli bilinən şəxs İtaliyada polis bölməsinə təslim olub.

"Bir prokuror kimi bu nəticə məni çox qane edir. Həyata keçirilən tədbirlərin effektivliyini nəzərə alaraq, şübhəlinin təslim olmaqdan başqa seçimi yox idi və bu, onun edə biləcəyi ən yaxşı şey idi", - deyə fransalı prokuror Qrini bildirib. O, BFM TV-yə müsahibəsində: "Mən təsdiq edə bilərəm ki, cinayəti törədən şəxs dünən gecə saat 11.00-11.30 radələrində Florensiya yaxınlığındakı İtaliya polis bölməsinə yaxınlaşıb. Biz onun Fransanı tərk etdiyini təxmin edirdik”, - deyib.

Qrini həmçinin hücumun motivindən də danışıb: "Müsəlmanlara qarşı olan nifrəti üstünlük təşkil edən ipucudur. Lakin istintaqda bu hərəkətin başqa səbəbləri olduğunu göstərən elementlər də var.”

Ölkədəki siyasətçilər videoya çəkilən və aprelin 27-də “Snapchat”da yayımlanan hücumu pisləyiblər.

“Sekulyarizm” olaraq tanınan, dünyəviliyi ilə fəxr edən Fransa ölkə vətəndaşlarının təxminən 10 %-ni təşkil edən 6 milyondan çox əhalisi ilə Avropanın ən böyük müsəlman nüfusuna malikdir.