Ministri i Jashtëm i Türkiyes, Hakan Fidan, dhe Sekretari i Shtetit i ShBA-së, Marco Rubio, diskutuan të hënën marrëdhëniet dypalëshe dhe çështjet rajonale, duke përfshirë Sirinë, Gazën dhe Ukrainën, thanë burime diplomatike turke.

Në një bisedë telefonike, Fidan nënvizoi rëndësinë e heqjes së sanksioneve ndaj Sirisë për stabilitetin dhe prosperitetin e vendit.

Lirimi i shtetasit izraelito-amerikan Edan Alexander nga Hamasi dhe bisedimet e planifikuara të paqes midis Rusisë dhe Ukrainës u trajtuan gjithashtu në telefon.

Bisedimet e paqes janë planifikuar të zhvillohen në Istanbul, Türkiye, me Presidentin ukrainas Volodymyr Zelenskyy që tregoi pranimin e propozimit të Moskës për t’i rifilluar negociatat.

U diskutuan gjithashtu detajet e vizitës së ardhshme të Rubios në Türkiye me rastin e Takimit Joformal të Ministrave të Jashtëm të NATO-s që do të mbahet në Antalia më 14-15 maj, sipas burimeve. 

Fidan dhe kryediplomati francez diskutojnë bisedimet e paqes Rusi-Ukrainë

Ministri i Jashtëm i Türkiyes, Hakan Fidan, dhe homologu i tij francez Jean-Noel Barrot diskutuan të hënën bisedimet e planifikuara të paqes midis Rusisë dhe Ukrainës.

Në një bisedë telefonike, Fidan dhe Barrot shqyrtuan përpjekjet për t'i dhënë fund luftës midis Rusisë dhe Ukrainës, thanë burime diplomatike turke.

Presidenti turk, Recep Tayyip Erdoğan, përshëndeti mbështetjen e homologut të tij rus Vlladimir Putin për rifillimin e procesit nga vendi ku ishte ndalur në Istanbul, duke e riafirmuar angazhimin e Türkiyes ndaj përpjekjeve për paqe.