Kancelari i sapozgjedhur i Gjermanisë, Friedrich Merz, është zotuar ta zgjerojë bashkëpunimin me Türkiyen, duke theksuar rolin e saj jetik strategjik brenda aleancës së NATO-s.

"Türkiye është partner jashtëzakonisht i vlefshëm dhe i rëndësishëm i NATO-s për ne. Unë do të bëj gjithçka që mundem për ta ruajtur dhe për ta zgjeruar më tej këtë partneritet", tha Merz në një konferencë të përbashkët për media me shefin e NATO-s, Mark Rutte, në Bruksel pas takimit të tyre.

Merz tha se Türkiye në territorin e NATO-s mbron një zonë, rëndësia strategjike e së cilës është absolutisht jetike dhe theksoi se e kanë diskutuar rolin dhe kontributet e Ankarasë gjatë takimit të tyre me Rutten.

Kancelari gjerman gjithashtu njoftoi se planifikon ta vizitojë Ankaranë në të ardhmen e afërt, me ftesë të presidentit turk, Recep Tayyip Erdoğan.