Ministri i Punëve të Jashtme i Rusisë, Sergey Llavrov, deklaroi se pothuajse e gjithë Evropa lufton kundër Rusisë.

"Rusia po lufton kundër njësive të përbëra nga nazistët", tha Llavrov në një aktivitet në Moskë.

"Disa forca janë bashkuar kundër nesh nën flamujt nazistë, duke mbështetur regjimin antirus dhe racist të presidentit ukrainas Volodymyr Zelenskyy", tha ai.

Llavrov tha se trupat në fjalë po bëjnë përpjekje për t'i shkaktuar një disfatë strategjike Rusisë, siç bënë në të kaluarën, si dhe se mësimet diplomatike të nxjerra nga e kaluara nuk duhen harruar.

"Pothuajse e gjithë Evropa po lufton kundër nesh, e armatosur nën flamujt nazistë", tha kryediplomati rus.