Американски борбен авион Ф-18 и возило за влечење паднаа од носачот на авиони „Хари С. Труман“ и потона во водите на Црвеното Море, соопшти вчера американската морнарица.

„УСС Хари С. Труман (ЦВН75) загуби еден Ф/A-18E Супер Хорнет од Ескадрилата јуришни ловци (ВФA) 136 и возило за влечење додека носачот спроведуваше активности во Црвеното Море“, се вели во соопштението на морнарицата.

Сите припадници на персоналот се во ред, само еден морнар претрпел полесни повреди.

Во несреќа што се припишува на човечка грешка, екипажот за влечење ја изгубил контролата врз авионот вреден 70 милиони долари веднаш откако беше извлечен од хангарот на носачот на авиони.

Морнарицата соопшти дека Ф/A-18E бил „влечен во хангарот кога персоналот ја изгубил контролата врз авионот“, што предизвикало авионот и возилото за влечење да паднат во морето.

„Морнарите што го влечеле авионот презеле итни мерки за да се оддалечат од авионот пред да падне во морето“, се вели во соопштението.

Во Ф/A-18E имало еден член на екипажот, кој успеал навреме да скокне од авионот.

Истрагата за инцидентот е во тек.

Бродот „УСС Хари С. Труман“ се наоѓа во Црвеното Море од минатиот септември, кога беше распореден за да помогне во заштитата на комерцијалниот брод од честите напади на Хутите во Јемен.

Носачот на авиони беше вмешан во друг инцидент претходно оваа година, кога се судри со трговски брод во близина на Суецкиот канал, по што неговиот командант беше отпуштен.