Мета, матичната компанија на Фејсбук, соопшти дека во вторникот лансирала бесплатна самостојна апликација за вештачка интелигенција за својот асистент Мета АИ асистент, приклучувајќи се кон растечкиот бран на нови апликации за ВИ.

Самостојната апликација има за цел да го прошири досегот на Мета АИ надвор од нејзината интеграција во ВатсАп, ИНстаграм, Фејсбук и Месинџер, според компанијата.

Новата апликација испорачува поперсонализирани одговори со користење на контекстот и податоците од профилите на корисниците на Фејсбук и Инстаграм, вклучувајќи споделени информации и ангажман на содржини.

Корисниците на очилата Реј Бан Мета можат да се вклучат во апликацијата преку очилата и да го продолжат разговорот подоцна на апликацијата. Апликацијата нуди и демо верзија на гласовен асистент со подобрени одговори при разговор, но нема интернет конекција или пристап до податоци во реално време, соопшти компанијата.

„Апликацијата Мета АИ вклучува Дискавер фид, место за споделување и истражување како другите ја користат вештачката интелигенција. Можете да ги видите најдобрите идеи што луѓето ги споделуваат или да ги ремиксирате за да ги направите ваши“, се додава во соопштението.

Апликацијата е напојувана од моделот Ллама4 на Мета , претставен претходно овој месец, кој се продава како поекономична опција во споредба со конкурентите како ЧетГПТ, ДипСик и Џемини.

Мета АИ е интегрирана во Фејсбук, Инстаграм, Месинџер и ВатсАп од 2023 година, акумулирајќи речиси 600 милиони месечни корисници до декември.