Францускиот претседател Емануел Макрон во интервју за списанието „Париз Мач“, без да прецизира дополнителни деталиги објави плановите на западните сојузници да го зголемат притисокот врз Русија во следните осум до десет дена за да обезбедат прекин на огнот со Украина.

Макрон истакна дека ќе остане „претпазлив“ во врска со прекинот на огнот, бидејќи како што рече дел од равенката зависи од Москва“.

Според него не било во ред притисокот да се применува само врз Украина.

„Постојано се обидувавме да создадеме импулс за претседателот Зеленски да го прифати предлогот за безусловен прекин на огнот - што тој го направи, патем, во Џеда. Исто така, работевме за Соединетите Држави да добијат прекин на огнот од Русија. Од сите нас зависи да изградиме услови за силен и траен мир“, додаде тој.

Интервјуто на Макрон дојде по четиристраните разговори одржани меѓу американскиот претседател Доналд Трамп, украинскиот претседател Зеленски, британскиот премиер Кир Стармер и Макрон по погребот на папата Франциск за време на викендот.