Турската Црвена полумесечина даруваше помош во облека во Северна Македонија за оние на кои им е потребна оваа помош.

Дистрибуцијата на пакетите со помош во соработка со Црвениот крст на Северна Македонија се одвиваше во околината на градот Струмица, со учество на турскиот амбасадор во Северна Македонија, Фатих Улусој, генералниот секретар на Црвениот крст на Северна Македонија, Саит Саити и други.

Во својата изјава амбасадорот Улусој рече дека Туркије продолжува со својата хуманитарна дипломатија на Балканот.

Улусој истакна дека турската Црвена полумесечина оваа година обезбедила помош во облека за Црвениот крст на Северна Македонија и дека помошта била дистрибуирана до оние на кои им е потребна во Струмица.

„Турската Црвена полумесечина има многу добра соработка со Црвениот крст на Северна Македонија. Го гледаме одразот на пријателските и добрите односи меѓу двете земји и во оваа област. Во наредниот период хуманитарната помош, развојната помош и работата на Туркије во многу области во Северна Македонија ќе продолжат преку нашите организации и невладини организации“, рече тој.

Саити, од своја страна, информирајќи дека вредноста на хуманитарната помош е приближно 143 илјади евра, рече: „Би сакал во оваа пригода да се заблагодарам за помошта што ни пристигна од турската Влада, која преку Црвениот Крст на Република Северна Македонија, односно општинската организација, успеавме да ја доставиме до семејствата на кои им беше потребна.“

Нагласувајќи дека оваа помош ја одразува трајната соработка меѓу нив и турската Црвена полумесечина, Саити информираше дека помошта ќе биде доставена во многу градови во Северна Македонија.

Улусој и Саити ја посетија општинската организација на Црвениот крст на Северна Македонија, а потоа им поделија помош на оние на кои им е потребна помош во селата Василево, Банско и Балдовци во Струмица.