Европските лидери со различни реакции по првиот круг на претседателските избори во Романија, а претседателите Ердоган и Трамп разговараа за подлабока соработка.

Европската крајна десница ја слави победата на Симион во Романија

Европските лидери на крајната десница го прославија силниот настап на Ѓорѓе Симион во првиот круг од претседателските избори во Романија, во кој кандидатот на крајната десница се појави како јасен фаворит.

Вучиќ се враќа на должноста на 7 мај, ќе има обраќање до јавноста

Српскиот претседател Александар Вучиќ ќе се врати на своите работни обврски во среда 7 мај, потврди српското претседателство. Здравствената состојба на српскиот претседател се влоши во петокот, поради што ја скрати посетата на САД и се врати во Србија.

Израел има намера целосно да ја окупира Газа по обновената офанзива

Израел има за цел целосно да го окупира Појасот Газа преку обновениот напад врз енклавата, изјави министерот за култура Мики Зохар. Тој рече дека тековниот воен напад ќе ја принуди палестинската група Хамас да ги ослободи израелските заробеници и да замине во егзил надвор од Газа.

Аракчи: За договор со Иран, потребно е да се избегнат нереални ставови

Техеран е подготвен за разговори со големите европски сили за разрешување на загриженоста дека Иран може да стекне нуклеарно оружје. Првиот ирански дипломат Абас Аракчи, смета дека за да се постигне договор треба да се избегнат нереалните и нелогичните ставови. 

И за крај на денешниот блиц...

Претседателите Ердоган и Трамп разговараа за регионални и глобални прашања

Турскиот претседател Реџеп Таип Ердоган и неговиот американски колега Доналд Трамп разговараа за регионални и глобални прашања, како и за билатералните врски. Односите меѓу двете земји се очекува да се продлабочат и да има меѓусебни посети на Туркије и САД. 

Тоа е се за денешните блиц вести. За повеќе посетете нѐ на macedonian.trtbalkan.com