ორშაბათს გამოქვეყნებულ წლიურ ანგარიშში საერთაშორისო ამნისტიამ ისრაელი ღაზაში პალესტინელების წინააღმდეგ „პირდაპირ ეთერში გენოციდის“ განხორციელებაში დაადანაშაულა. ორგანიზაციამ განაცხადა, რომ ისრაელმა გენოციდის დანაშაული ჩაიდინა მოსახლეობის დიდი ნაწილის იძულებით გადაადგილებით და ჰუმანიტარული კატასტროფის მიზანმიმართულად შექმნით.
ისრაელი უარყოფს საერთაშორისო ამნისტიის ზოგიერთი უფლებადამცველი ჯგუფისა და სახელმწიფოს მიერ მის მიმართ წაყენებულ ბრალდებებს, რომ ღაზაში წარმოებულ ომში „გენოციდს“ ახორციელებს.
„სახელმწიფოები უმწეოდ ადევნებდნენ თვალს, როგორ კლავდა ისრაელი ათასობით პალესტინელს, ანადგურებდა მრავალ თაობის ოჯახებს, სახლებს, საარსებო წყაროებს, საავადმყოფოებსა და სკოლებს“, - განაცხადა საერთაშორისო ამნისტიის გენერალურმა მდივანმა აგნეს კალამარდმა.
„მძიმე ტანჯვა“
საერთაშორისო ამნისტიის ანგარიშში ნათქვამია, რომ ისრაელის ომმა ღაზაში პალესტინელების უმრავლესობა დატოვა „იძულებით გადაადგილებული, უსახლკარო, მშიერი, სიცოცხლისთვის საშიში დაავადებების წინაშე მდგარი და სამედიცინო დახმარების, ელექტროენერგიის ან სუფთა წყლის ხელმისაწვდომობის გარეშე“.
საერთაშორისო ამნისტიამ აღნიშნა, რომ 2024 წლის განმავლობაში მან დოკუმენტურად დაადასტურა ისრაელის მიერ ჩადენილი მრავალი ომის დანაშაული, მათ შორის პირდაპირი თავდასხმები მშვიდობიან მოსახლეობასა და სამოქალაქო ობიექტებზე, განურჩეველი და არაპროპორციული თავდასხმები.
‘I know the weight of these words. I don’t write them lightly. I write them because I’m tired of euphemisms. Tired of pretending this is a conflict when it is clearly a massacre.’
„უპრეცედენტო ჰუმანიტარული კატასტროფა“
ანგარიშში ნათქვამია, რომ ისრაელის ქმედებებმა გამოიწვია 1,9 მილიონი პალესტინელის, ღაზის მოსახლეობის დაახლოებით 90%-ის, იძულებით გადაადგილება და რომ მან „მიზანმიმართულად დაგეგმა უპრეცედენტო ჰუმანიტარული კატასტროფა“.
მიუხედავად იმისა, რომ მაშინ, როცა ზოგიერთი დასავლური ქვეყნის დედაქალაქში პროტესტები იმართებოდა „მსოფლიოს მთავრობებმა ინდივიდუალურად და მრავალმხრივად არაერთხელ ვერ გადადგეს ქმედითი ნაბიჯი ამ სისასტიკის შესაჩერებლად და ცეცხლის შეწყვეტისკენ მოწოდებაშიც კი დააყოვნეს“.
ამასთან, საერთაშორისო ამნისტიამ გააკეთა გაფრთხილება ისრაელის ქმედებების შესახებ ოკუპირებულ დასავლეთ სანაპიროზე და ისრაელი „აპარტეიდის“ სისტემის დანერგვაშიც დაადანაშაულა.
ორგანიზაციის ანგარიშში ნათქვამია: „ისრაელის აპარტეიდის სისტემა ოკუპირებულ დასავლეთ სანაპიროზე სულ უფრო სასტიკი ხდება. ეს გამოიხატა უკანონო მკვლელობებისა და ისრაელელი მოსახლეების მიერ პალესტინელ სამოქალაქო პირებზე სახელმწიფოს მიერ მხარდაჭერილი თავდასხმების მკვეთრ ზრდაში“.
საერთაშორისო ამნისტიის ახლო აღმოსავლეთისა და ჩრდილოეთ აფრიკის რეგიონულმა დირექტორმა, ჰება მორაიეფმა, ხაზი გაუსვა „იმ მძიმე ტანჯვას, რომელსაც ღაზაში პალესტინელები გასული წლის განმავლობაში ყოველდღიურად განიცდიდნენ“ და დაგმო „მსოფლიოს უუნარობა ან პოლიტიკური ნების არქონა ამის შესაჩერებლად“.
