АКШнын президенти Дональд Трамп Ватиканда украин президенти менен жолуккандан бир күн өткөндөн кийин орус президенти Владимир Путиндин Украинадагы атышууларды токтотуп, тынчтык келишимине кол коюусун каалай турганын билдирди.

Трамп кызматка киришер алдында Орусия-Украина согушун бир күндө токтото аларын айткан. Бирок ал кызматка киришкенден кийин чыр-чатактарды токтотуу боюнча баштаган дипломатиялык аракеттерден азырынча эч кандай жыйынтык чыга элек.

Кызматка киришкенге чейин Орусия-Украина согушун бир күндө токтото аларын айткан Трамп кызматка киришкенден кийин жаңжалды токтотуу үчүн дипломатиялык чабуулга өттү.

Жекшемби күнү Рим Папасы Францисктин акыркы сапарга узатуу зыйнатына катышкандан кийин Вашингтонго багыт алуу үчүн Морристаун аэропортунда Air Force One учагына түшөөр алдында Трамп журналисттердин Украинадагы согушка байланыштуу суроолоруна: «Мен анын (Путиндин) ок атууну токтотушун, отуруп алып келишимге кол коюшун каалайм», - деп жооп берди.

Трамп мындан тышкары: «Бизде келишимдин алкагы бар, мен ага ишенем жана ага кол коюшун каалайм», - деп айткан жана ал айтып жаткан келишимдин АКШнын Украинадагы үч жылдан ашык убакыттан бери уланып жаткан кагылыш үчүн сунуш кылган тынчтык планы болушу мүмкүн экени айтылган. 

Трамп Украинанын президенти Владимир Зеленский менен акыркы сапарга узатуу зыйнатында жолугушту. Бул эки лидердин февралда Ак үйдөгү ийгиликсиз жолугушуусунан берки биринчи бетме-бет жолугушуусу болду.

Трамп, Ыйык Петр чиркөөсүндөгү кыска жолугушуудан кийин, ал Путиндин Украинанын чыгышында кеңири кыйроолор жана он миңдеген адамдардын өлүмүнө алып келген согушту токтотуу ниетинен күмөн санаганын билдирди.

Трамп жекшембиде ошондой эле 2014-жылы Орусия аннексиялап алган Кара деңиз жарым аралы болгон Крым тууралуу суроого «Эх, мен ошондой деп ойлойм» деп, Зеленскийдин бул аймакты «берүүгө» даяр экенин айтты.