Türkiyäniň Beýik Millet Mejlisiniň başlygy Numan Kurtulmuş şenbe güni Watikanda Eziz Pýotr meýdançasynda geçirilen Papa Fransiskiň jynaza çäresine gatnaşyp Türkiyä wekilçilik etdi.
Numan Kurtulmuş çäräniň geçiriljek meýdana baran mahaly, Watikanyň Döwlet sekretary italiýaly kardinal Pietro Parolin tarapyndan garşylandy.
Çärede Numan Kurtulmuş Azerbaýjanyň Milli mejlisiniň başlygy Sahiba Gafarowa bilen duşuşyk geçirdi we jaýlanyş çäresine gatnaşan käbir beýleki parlament başlyklary we daşary ýurtlaryň wekilleri bilen söhbetdeş boldy.
Jynazadan soň Kurtulmuş Türkiyäniň Watikandaky ilçihanasyna bardy.
Duşenbe güni 88 ýaşynda aradan çykan Rim papasy Fransiskiň jaýlanyşyna dünýä liderleriniň we şa maşgalalarynyň agzalary bilen birlikde 250000-den gowrak adam gatnaşdy.
