AFP-nyň Hindistanyň harby goşunyna ýakyn töwereklere esaslanýan habaryna görä, Hindistanyň we Pakistanyň esgerleri, jedelleşikli Kaşmir sebitinde iki ýurdy biri-birinden aýyrýan gözegçilik liniýasynda düýn gije çaknyşyklaryny dowam etdirdi.

 Hindistanyň harby goşuny, Pakistanyň pozisiýalaryndan Kaşmirdäki gözegçilik liniýasyna ýeňil ýaraglar bilen ot açylandygyny mälim etdi.

Mesele hakynda berlen beýannamada, “Hindistanyň harby goşuny, kiçi ýaraglar bilen guralan hüjüme degişli gaýtawuly görkezdi” diýildi.