Kongo Demokratik Respublikasy bilen Ruanda 2-nji maýa çenli parahatçylyk şertnamasynyň taýarlanjakdygyny we ýaragly toparlara harby taýdan goldaw bermekden ýüz öwürjekdiklerini mälim etdi.

Kongo Demokratik Respublikasynyň gündogaryndaky çaknyşyklaryň bes edilmegi üçin anna güni Waşingtonda geçirlen gepleşiklerde parahatçylyk şertnamasynyň baglaşylmagy boýunça ylalaşyk gazanyldy.

Kataryň garaşylmadyk ýagdaýda töwellaçylyk etmeginden iki gün soň, iki ýurduň daşary işler ministri anna güni ABŞ-da duşuşdy.

ABŞ, Kongo Demokratik Respublikasynyň mineral taýdan baý sebitine maýa goýmak isleýändigini mälim etdi.

Ylalaşyga görä, ABŞ, Ruanda tarapyndan goldanýan M23 pitneçileriniň Kongo Demokrat Respublikasynda barlygyny dowam etdirýän sebitinde, tantal we altyn ýaly minerallar taýdan baý bolan sebite maýa goýar.

Ylalaşyk, Ruanda genosidine esaslanýan onlarça ýyllyk çaknyşygyň gowşamagyna umyt döredýär. Iki ýurt hem ABŞ-nyň minerallar taýdan baý ýurtlaryna maýa goýmagyny maksat edinýär. Emma öňki ýaraşyk çagyryşlary çaknyşyklaryň bes edilmegini ýola goýup bilmändi.

Taraplar şeýle hem ýaragly toparlara we jenaýatçylykly guramalara garşy birlikde göreşmek boýunça ylalaşyk gazandy.

Iki ýurduň daşary işler ministri ABŞ-nyň Döwlet sekretary Marko Rubiniň gatnaşmagynda geçirlen dabarada ylalaşygy tassyklady.