Ministan Harkokin Wajen Turkiyya Hakan Fidan ya yi gargaɗin cewa kamar yadda aka kawar da Daesh daga Syria, haka daga karshe ita ma kungiyar ta'addanci ta PKK za a kawar da ita. Ya bayyana cewa, PKK na iya ficewa bisa raɗin kanta, ta hanyar zaman lafiya da sulhu, ko kuma ta wata hanya daban.

Fidan ya bayyana haka ne yayin wani taron manema labarai na haɗin gwiwa a birnin Doha a ranar Lahadi tare da firaministan kasar Qatar kuma ministan harkokin wajen kasar Sheikh Mohammed bin Abdulrahman al Thani.

Yayin da yake ƙara jaddada cewa, Turkiyya ba za ta amince da duk wani yunƙurin da ake yi na kai hari kan yankin Syria ko kuma zagon ƙasa ga ikonta ba, Fidan ya ƙara jaddada cewa, ba za a amince da duk wani yunkuri na ba da damar ɗaukar makamai baya ga gwamnatin da ke gudanar da Syria ba.

Fidan ya bayyana cewa, Ankara na son ganin wani yanayi wanda kundin tsarin mulki da kuma gudanarwa a Syria za su samar da damammaki daidai wa daida ga dukkan jama’ar ƙasar, kuma ya ce an riga an ɗauki matakai masu kyau a wannan fanni.

A yayin da yake magana kan mawuyacin halin da ƙasar ke ciki, Fidan ya ce tattaunawa da Qatar da sauran ƙasashen yankin sun mayar da hankali ne kan abubuwan da za a iya yi a fannonin ci gaba, tattalin arziki, da kuma takunkumi.

Fidan ya kara jaddada cewa, Turkiyya za ta ci gaba da yin tir da kungiyoyin da ke neman yin amfani da halin da ake ciki a kasar Siriya domin cimma manufofinsu, musamman masu neman cutar da yankin Siriya da 'yancin kai.

Fidan ya kara jaddada cewa, Turkiyya za ta ci gaba da adawa da kungiyoyin da ke neman yin amfani da halin da ake ciki a ƙasar Syria domin cim ma manufofinsu.

Fidan ya ce "Muna jiran aiwatar da yarjejeniyar da kungiyar YPG da gwamnatin Syria suka rattaɓa wa hannu a watannin baya-bayan nan, kuma yadda muka ɗauki wannan batu da muhimmanci a fili yake." Ya kuma yi kira ga kungiyar ta'addanci ta PKK da ta mayar da martani mai inganci ga wannan kiran, ta ajiye makamanta, sannan ta daina kawo cikas ga dawowar zaman lafiya a yankin.