Finlanda njoftoi të premten se dy avionë ushtarakë rusë dyshohet të kenë shkelur hapësirën ajrore finlandeze.

“Dy avionë ushtarakë rusë dyshohet se kanë shkelur hapësirën ajrore finlandeze në afërsi të Porvoo pasditen e 23 majit 2025”, thuhet në një deklaratë të Ministrisë së Mbrojtjes.

Sipas deklaratës, rojat kufitare po e hetojnë rastin dhe do të japin informacione të mëtejshme.

“E marrim seriozisht këtë shkelje të dyshuar të territorit dhe një hetim është në zhvillim”, tha ministri finlandez i Mbrojtjes, Antti Hakkanen.