Presidenti rus Vlladimir Putin njoftoi të enjten se urdhëroi krijimin e një zone tampon sigurie përgjatë kufirit midis Rusisë dhe Ukrainës.

"Është marrë një vendim për ta krijuar një zonë tampon sigurie të nevojshme përgjatë kufijve tanë. Njësitë tona ushtarake po merren aktualisht me këtë detyrë," tha ai në një takim qeveritar në Moskë.

Putin i përshkroi metodat e trupave ukrainase dhe mercenarëve të huaj kundër Rusisë si "terroriste".

"Zakonisht, kundërshtari zgjedh objektiva që nuk kanë rëndësi ushtarake - struktura civile, ndërtesa banimi dhe civilë. Incidentet e fundit shërbejnë si provë e pohimeve të mia - gjatë sulmeve me dronë dhe misioneve sabotuese, automjetet civile, duke përfshirë ambulancat dhe pajisjet bujqësore, janë shënjestruar qëllimisht," tha ai.