Franca mbështet rishqyrtimin e Marrëveshjes së Asociimit midis BE-së dhe Izraelit, tha ministri i jashtëm francez për radion France Inter të martën.

"I bëj thirrje Komisionit Evropian që ta kryejë këtë shqyrtim, ta përpunojë këtë kërkesë dhe të përcaktojë nëse Izraeli e respekton apo jo këtë nen dhe detyrimet e tij në lidhje me të drejtat e njeriut", tha Jean-Noel Barrot, duke iu referuar propozimit të Holandës për ta rishikuar Marrëveshjen e Asociimit midis BE-së dhe Izraelit.

Barrot vuri në dukje se propozimi synon veçanërisht ta rishikojë Nenin 2 të marrëveshjes, i cili thotë se të dyja palët duhet t’i respektojnë të drejtat e njeriut.

"Është e padurueshme sepse dhuna e verbër dhe bllokada e ndihmës humanitare nga qeveria izraelite e kanë shndërruar Gazën në një vend vdekjeje, për të mos thënë një varrezë", tha ai kur u pyet për sulmet e fundit izraelite në Gaza.

Barrot kërkoi t'i jepet fund "shkeljes së thellë të dinjitetit njerëzor" dhe "shkeljes absolute të të gjitha rregullave të së drejtës ndërkombëtare".

"Ata që mbjellin dhunë, korrin dhunë", shtoi ai.