Shefi i inteligjencës turke, Ibrahim Kalın, u takua të hënën me presidentin sirian Ahmed al-Sharaa, ministrin e jashtëm Asaad al-Shaibani dhe shefin e inteligjencës Hussein al-Salama gjatë një vizite në Siri, sipas burimeve të sigurisë.

Takimi u përqendrua në marrëdhëniet dypalëshe mes Türkiye-s dhe Sirisë, duke theksuar rëndësinë e integritetit territorial, sovranitetit dhe stabilitetit politik të Sirisë.

Türkiye gjithashtu rikonfirmoi përkushtimin e saj për të mbështetur Sirinë.

Diskutimet përfshinë çarmatosjen dhe integrimin e grupeve terroriste, përfshirë PKK/YPG-në, në kuadrin e ri sirian, si dhe çështje që lidhen me sigurinë kufitare, pikat doganore dhe transferimin e burgjeve dhe kampeve të ISIS-it (DAESh) nën kontrollin e Sirisë.

Türkiye shprehu gatishmërinë për të ofruar çdo ndihmë të nevojshme për qeverinë në Damask.

U diskutuan gjithashtu zhvillimet rajonale, përfshirë sulmet ajrore izraelite dhe shkeljet e hapësirës ajrore në Siri, heqjen e sanksioneve ndërkombëtare ndaj vendit, luftën kundër ISIS-it, si dhe kthimin vullnetar dhe të sigurt të refugjatëve sirianë.