Shirat e dendur të cilët janë parë efektivë në tri javët e fundit, kanë goditur rajonin e Andaluzisë në jug të Spanjës.

Në deklaratat nga autoritetet e qeverisë autonome Andaluziane dhe organizatës civile të ndihmës, u njoftua se për shkak të përmbytjeve të shkaktuara nga shirat e dendur, dy persona rezultojnë të zhdukur në qytezën Constantina të Seviljas dhe një në qytezën Anora të Kordobës.

Autoritetet njoftuan se 1.400 persona në rajonin e Andaluzisë u evakuuan nga shtëpitë e tyre si masë paraprake, ndërsa në disa vende qytetarët u shpëtuan me helikopterë.

Po ashtu, u nda informacioni për pezullimin e mësimit në 8 shkolla në Malaga, mbylljen e qarkullimit në autostradën A-4 midis Seviljas dhe Madridit, të shumë rrugëve ndërmjetëse si dhe disa të rrugëve në qytetin Murcia.

Edhe pse jo aq serioz sa rajoni i Andaluzisë, niveli i alarmit u rrit në 10 administrata autonome në të gjithë Spanjën për shkak të reshjeve të dendura dhe u shpall alarm i kuq për shkak të niveleve shumë të larta të ujit në 19 lumenj.

Instituti Meteorologjik Spanjoll parashikoi se reshjet e dendura të shiut dhe stuhive do të shtohen edhe më tej nesër dhe se kushtet e këqija të motit do të vazhdojnë deri në fundjavë.

Shiu i madh dhe stuhitë janë efektive në Spanjë për herë të katërt në tre javët e fundit.