Ministrja e Jashtme e Kosovës Donika Gervalla-Schwarz bëri thirrje të hënën që aplikimi i Kosovës për anëtarësim në Këshillin e Evropës të finalizohet gjatë presidencës së radhës të Luksemburgut.

Duke e quajtur këtë hap një "hap të vonuar drejt barazisë institucionale", Gervala-Schwarz theksoi se pranimi i Kosovës është jetik për avancimin e të drejtave të njeriut dhe standardeve demokratike në gjithë rajonin.

Gjatë një vizite zyrtare në Luksemburg, ajo bëri thirrje për mbështetje për heqjen e masave që ajo i përshkroi si të padrejta dhe disproporcionale të vendosura ndaj Kosovës, duke paralajmëruar se kufizime të tilla minojnë besimin dhe pengojnë përparimin drejt integrimit evropian.

Në një takim me zëvendëskryeministrin dhe ministrin e Punëve të Jashtme Xavier Bettel, Gervalla-Schwarz theksoi vlerën strategjike të forcimit të bashkëpunimit dypalësh, veçanërisht në zhvillimin digjital, arsim, shëndetësi dhe energji të pastër.