Në shumë rajone të Spanjës do të duhen deri në 10 orë që energjia elektrike të rikthehet, njoftoi "Red Electrica".

Operatori i rrjetit elektrik në Spanjë, "Red Electrica" tha në një deklaratë se ndërprerja e energjisë elektrike ishte e pashembullt në histori dhe se mund të duhen midis 6 deri në 10 orë që energjia elektrike të rikthehet në pjesën më të madhe të vendit.

Ka pasur një ndërprerje të gjerë të energjisë elektrike në të gjithë Spanjën dhe Portugalinë ndërsa rrjetet e komunikimit dhe transportit raportohet se janë ndërprerë.