Presidenti turk Recep Tayyip Erdoğan u nis për në Romë të martën për të marrë pjesë në Samitin e 4-t Ndërqeveritar midis Türkiyes dhe Italisë, me ftesë të kryeministres italiane Giorgia Meloni.

Samiti pritet të përqendrohet në hapat për të forcuar më tej bashkëpunimin midis Türkiyes dhe Italisë, së bashku me diskutime mbi çështjet aktuale rajonale dhe globale.

Pritet gjithashtu të nënshkruhen disa marrëveshje dypalëshe që synojnë forcimin e kuadrit ligjor të marrëdhënieve, dhe është planifikuar një forum biznesi me pjesëmarrjen e komuniteteve të biznesit të të dyja vendeve.

Presidentin turk në Itali e shoqërojnë Ministri i Jashtëm Hakan Fidan, Ministrja e Familjes dhe Shërbimeve Sociale Mahinur Özdemir Göktaş, Ministri i Rinisë dhe Sportit Osman Aşkın Bak, Ministri i Kulturës dhe Turizmit Mehmet Nuri Ersoy, Ministri i Mbrojtjes Kombëtare Yaşar Güler, Ministri i Industrisë dhe Teknologjisë Mehmet Fatih Kacır, Ministri i Tregtisë Ömer Bolat, Drejtori i Organizatës Kombëtare të Inteligjencës Ibrahim Kalın, Drejtori i Komunikimit Fahrettin Altun, Këshilltari Kryesor i Presidentit për Politikë të Jashtme dhe Siguri Akif Çağatay Kılıç dhe Presidenti i Agjencisë së Industrisë së Mbrojtjes Haluk Görgün.