Presidenti i ShBA-së, Donald Trump, duke iu përgjigjur pyetjeve të gazetarëve në Këshillin e Biznesit ShBA-EBA, theksoi se ka ardhur koha që t'i jepet fund luftës Rusi – Ukrainë.

"Ka ardhur koha për t'i dhënë fund luftës midis Rusisë dhe Ukrainës. Të gjithë thanë se (presidenti rus Vlladimir) Putin do të shkonte. Unë thashë 'nëse nuk shkoj unë, ju garantoj se Putini nuk do të shkojë', dhe ai nuk shkoi", tha Trump lidhur me pjesëmarrjen e tij në bisedimet e paqes midis Rusisë dhe Ukrainës të organizuara nga Türkiye në Istanbul.

Kur u pyet se kur do të takohej me Putinin, Trump tha se do ta organizojnë këtë takim sa më shpejt të jetë e mundur.

Sa i përket Gazës, e cila është nën sulmet intensive të Izraelit dhe e cila po përjeton krizë humanitare për shkak të mos lejimit të ndihmës humanitare, Trump tha: "Ne duhet ta zgjidhim këtë. Shumë njerëz po vdesin nga uria. Po ndodhin shumë gjëra të këqija".

Presidenti amerikan theksoi se bota ka filluar të bëhet një vend më i sigurt dhe se do të bëhet një vend shumë më i sigurt brenda 2-3 javësh.